Taxi derimot kostar 25€. Etter ein grei busstur, var me framme til byn. Me visste sånn nokonlunde kvar me skulle gå av, etter ankomst hadde me bare eit lite stykke å gå til hotellet. Det er ein fordel å ha koffertar med fire doble hjul når ein reiser sånn (bare eit tips 🙂 ).

Hotellet vårt ligg tett ved stranda, sentralt i byn, og har det meste i gåavstand, strand, lang strandpromenade, butikkar, restaurantar, barar, gamlebyen, motorsykkelutleige mm..

Det vart mange skritt på skrittelljaren dei fyrste dagane, og mange gode «vannhull» å kvile beina i.

Etter nokre dagar hadde me sett det meste me hadde lyst til å sjå i gåavstand, då kasta me inn handklede og leigde oss motorsykkel.

Å reise på tur med ein som er glad i fotball, fører ofte med seg nokre kveldstimar på ein fotballpub. Rhodos har mange…. dei har gratis nett og god vin, men 90 minuttar er rikeleg tid å kaste vekk der 😉

Nydelege friske salatar, mykje fetaost og oliven. Godt og kaldt øl, vin i alle variantar. Meze og Raki, om enn ikkje så utbredt på Rhodos som på Kreta, slik me har opplevd det.

Gyros får ein over alt, men den beste fekk me hjå Augoustinos Restaurant.

Antikke Kamiros, vèl 30 km frå Rhodos by, ligg ein stor ruinby konstruert ein gong på 500-talet f.Kr, dette var ein av dei tre store byane på Rhodos i det 5. og 6. århundre før Kristus. Her tok me diverre ikkje turen, det får me gjera neste gang.

Kamiros strand, derimot, den ligg  7-900m frå Akropolis, har både ein sandstrand og ein steinstrand del. Området her er drive av eit par restaurantar, det er gratis solsenger med parasollar, og parkering. Restaurantane har stort utval i sjømat.

Etter å ha tatt ein tur på stranda, snudde me nasen mot «heim» att. Sidan ingenting hastar når ein er på ferie, fann me ut at ein tur i Sommarfugldalen var heilt på sin plass. Denne ligg omlag 24 km frå Rhodos Old town.

Me parkerte den vesle raude atter ein gong.  Like ved parkeringsplassen var det ein restaurant og suvernirbutikk, her var også Athena Tempel. Det tok me ikkje med oss. Men ein av hovudattraksjonane her Klosteret, ville me sjå.

Ein av dei fyrste tinga me la merke til var alle Fasanane som gjekk fritt omkring.

Inngangen til klosterområdet var inn ein port og opp ei lang trapp. Betalinga ville dei ha i ei lita bu i trappa, 5€ her òg. Det fyrste me sjekka ut, då me var komne opp trappa, var utsikten mot nordvest, den var heilt rå. For å koma til utsiktspunktet måtte me gå gjennom ein allèe frå klosteret.

Klosteret vart bygd i det 15, århundre av Ridderane av St. John, på grunnmurene av ei tidlegare katolsk kyrkje.

Klosteret var under renovering då me var der.  Det var den einaste bygningen som vart full-restaurert av briter og grekere etter den andre verdenskrig. Me var ikkje inne i bygningane.

Bak klosteret går det ein ny allèe, denne mot det bysantiske slottet. Dette var bygd av bysantinerne i det 11. århunder, uheldigvis var det ein kultur blant alle forfedrene på øya å øydelegge eksisterande gamle og hellenistiske byggverk for å få bygd det dei ønska. Så også med dette slottet, som store delar av byggematerialet er henta frå det antikke tempelet Athena. Slottet var brukt som sommarhus for aristokratane og eliten i den bysantiske epoken.

I overgangen mellom Klosterhøgda og Krossen,(Golgata) er det ein veg, på kvar side av denne er det trær og 14 steintavler med utskjeringar frå scenar frå Jesu veg opp Golgata. Her finn du òg uendeleg mange fasanar.

Denne vegen leiar opp til den 18 meter høge krossen, som vart reist av Italienarane for å erstatta den gamle 30 meter høge steinkrossen. Det er mogeleg å gå opp spiraltrappa i krossen for å ta inn det utrulege utsynet frå toppen.

Dagen etter bestemte me oss òg for å leige ein motorsykkel, var grei den me hadde sist, men den var utleigt. Så me fekk tilbod om å leige ein litt større. Om detta var eit salstriks eller ikkje var ikkje så nøye for oss då denna var mykje betre å sitje på for meg med dårleg hofta og bekken. I tillegg var det større topboks, me tenkte då fekk me plass til begge hjelmane når me parkerte. Altså, me slapp å vera redd dei vart stolne. Men DA trong me ikkje vera redd for her, sa utleigaren. Grekarar stel ikkje hjelmar, dei har ingen ynskje om å bruke hjelm, så kvifor skal dei stjele dei?

Så var me komne i salen att. Denne gangen ville me ta for oss austsida av øya, men sidan dette var siste dagen vår hadde me ikkje lika god tid i dag. Ein får verkeleg sett mykje når ein køyrer slik på måfå rundt omkring. Til slutt enda me i Lindos.

Frå hovudvegen, og ein stor parkeringsplass, og ned til stranda går det ein smal veg. Fylt med uendeleg mengder turistar, som var komne med buss, spaserande ned mot stranda. Skjønar at staden har mange turistar, men slike mengder er ikkje noko for oss…

Ei veka på farten går veldig fort, når ein skal på ferie så startar ferien allereie når ein går ut døra heime. Og uansett kor langt det er til destinasjonen, så går den turen relativt fort, men heimturen derimot, den er lang den…..