Mandagstur Damene sine opplevingar

Fyrst YTE så NYTE!

Mandagstur

For mange år sidan byrja Karina, Merete, Ingunn og eg, å gå tur kvar mandag ettermiddag. Dette har ført til mange mil til fots i skog og mark etter kvart. Ettermiddagsturane våre brukar å vera i lokalområdet. Småturar slik som til «Benken» i Onarheimslia, Kaldestadåsen, Bogsnesåsen, Postvegen og liknande. Andre ganger litt lengre turar som til Varhaugselet eller Bremstølen. Eller me køyrer litt lengre før me går, som til Halsnøy, Sandvoll eller Rosendal.

Mandagsturar og andre ettermiddagsturar i lokalområdet

Ingahogg

Hjortatråkket

Fjellryper på tur

Om vinteren hender det me går på ski, og nokre av oss luffar på trugeturar. Eg har ikkje investert i truger ennå, så den aktiviteten har ikkje eg fått prøvt ennå.

Skarvarennet 2015

Haukelirennet 2017

Me har òg vore på fleire overnatting- og helgeturar, som til Hardangervidda og hytteturar med innlagt trim og kos. For mottoet vårt er «Fyrst Yte, så Nyte». Og me er lika flinke til begge deler!

Hardangervidda

Fonnabu

Nyastøl

Hyttejentetur til Strandvik

Mandagsturen er fast kvar veke, men det hender ofte at det vert fleire, og det hender at me opnar opp for at andre får vera med.

Me har vore på sopp-plukke-turar, kongle-og-anna-dekorasjonsmateriell -plukketurar, få-ut-frustrasjons-turar, motivasjons-turar, juhu-turar, skeise-på-vatn turar……. Ei stund var me på Sumba i Uskedalen, no utforskar me Yoga på Halsnøy, samt at eit par av oss driv med jogge-opptrening til KK mila – ein gong….

Åsså lagar me gourmet mat innimellom, og sjølvsagt høyrer det god drikke med til god mat – og av og til berre god drikke 😀

I januar i år(2018) laga me oss eit julabord, då fekk «mannane» våre vera med òg